Bryggjuhátíðin á Stokkseyri var frábær.

Við Nína, Þórir og Linda ótrúlega spræk í söguferð um sveitina daginn eftir vel heppnaða Megasartónleika og Draugaball.

Um daginn kíktum við hjónaleysin á Snæfellsnesið að safna orku

með Hildi og Agli

Og brúðkaup Óla og Auðbjargar í Þingborg var alveg rosalega skemmtilegt sveitaball þar sem Óli tók orminn hægri vinstri í smókingnum fram á morgun.

Þessi mynd var tekin aðeins fyrir það.

Gleðilega Hróarskelduhátíð

útlit fyrir hina beztu hátíð,

og töluvert minni rigningu en í fyrra, enda verður það met seint slegið.


Um helgina verð ég í brúðkaupi í Flóanum, hjá fólki sem kynntist á Hróarskelduhátíð fyrir nokkrum árum. Því má búast við einu eða tveimur skálum fyrir hátíðinni :)

Góða skemmtun Danaveldi.

Köben og Berlín

Það var nú aldeilis sérdeilis skemmtilegt að heimsækja BrIngu í Köben og fá þær frábæru fréttir sem tilkynntar eru hér í póstinum fyrir neðan. Við urðum svo æst í að fá að passa að við skoðuðum tvær íbúðir í nágrenni þeirra, fengum ráðgjafa hjá Danske bank og búmmmm... erum bara að fara að flytja aftur út.

Svo fórum við til Rutar, Stebba og Úlfs í Berlín og það tók Stebba u.þ.b. klukkutíma að selja okkur Berlín, aðallega íbúðina fyrir neðan þau sem stendur auð og búmmm... við ætlum að flytja frekar til Berlín.

Svo kemur maður til Íslands í blíðu og kreppu og búmmmm.... maður nennir ekki að gera neitt nema vinna myrkranna á milli - eða Þórir sko, ég er enn í sumarfríi.

Ef þið viljið sjá myndir sendið mér póst og ég býð ykkur á síðuna, en vegna fjölda "internetsperra" er ég búin að læsa myndasíðunni.

Við þökkum öllum kærlega fyrir okkur.

Cúrrýwurst og bjór rífur í skottið á manni!

06.06.08.

Í dag á þjóðþekktur íslenskur tónlistarmaður afmæli. Hann er líka uppáhalds tónlistarmaðurinn minn. Hann hefur afrekað margt á ferlinum. Ég á allt sem hann hefur gefið út og hef farið á fjöldamarga frábæra tónleika með honum og hljómsveit hans. Hljómsveitin er reyndar hætt, en við eigum vonandi eftir að heyra meira frá þessum snilldargítarleikara í framtíðinni. Í dag má hann fara í Ríkið og kaupa sér brennivín.
Þetta er auðvitað hann Víðir bróðir minn. Hann er 20 ára í dag þessi elska.

Til lukku með daginn

Húrra
húrra
húrra
húrra

Svo á víst einhver annar minna þekktur tónlistarmaður líka afmæli í dag, held hann heiti Bibbi eða Bobbi, eða eitthvað svoleiðis, en hann fær ekki hamingjuóskir hér, hann er leiðinlegur.

Tilkynning - tilkynning - tilkynning !

Íbúðin sem við Bragi bjuggum í í fyrrasumar er laus til leigu þar til í október. Íbúðin er við Fælledvej 14 D, frábær staðsetning, 2ja mín labb að Søerne, 5 mín göngutúr að Nörreport station. Íbúðin er í u.þ.b. 50 fermetrar, á fjórðu hæð, tilvalin fyrir einstakling eða par. Lítið baðherbergi með sturtu. Lítið opið eldhús með borðstofu. Svefnherbergi passlega stórt:) Engar hurðir, nema inná bað. Það eru þegar húsgögn í íbúðinni. Þetta er frekar hippaleg íbúð, húsgögn héðan og þaðan, og ekkert í stíl, mjög sjarmerandi og huggulegt. Eigandinn er ekkert að missa sig í lífsgæðakapphlaupinu, sem er mjög aðdáunarvert. Okkur leið alla vega mjög vel þarna þessa mánuði sem við vorum þarna. Eigandinn dvelur á sumrin í sumarhúsinu sínu í Christianíu, sem sagt mikill hippi. Ég er ekki alveg viss með leiguna, get spurt að því, en hún er alla vega sanngjörn.

Vantar þig eða þekkir þú einhvern sem vantar samastað í Köben í sumar? Láttu mig þá vita.
ingarun@flateyri.is
tlf. 27466278

Þvílík vonbrigði


Það tekur marga áratugi fyrir kvenmenn - og karlmenn - að bæta þetta upp. Jeremías.

Þegar ég kom heim úr bíó var unnusti minn búinn að mála baðherbergið og var að stilla upp nýjum baðskáp á vegginn - og ég spyr furðu lostin hvort hillan hafi hrunið niður!
(hillan sem var grind undir klósettpappír og baðherbergið var appelsínugult orðið hvítt)

Ég kenni bíó- og jarðskjálftasjokki um þetta eftirtektarleysi ;)

Ef ykkur vantar hugmyndir að góðri tækifærisgjöf tékkið á þessu hjá Alan félaga mínum í Köben: Tækifærisgjöf

Í dag er merkisdagur!

Ragnheiður Karítas frænka mín á Flateyri er að útskrifast frá Menntaskólanum á Ísafirði í dag. Hjartanlega til lukku með það kæra frænka. Öll ættin mín er þar saman komin til að fagna með henni, en við Bragi komumst því miður ekki en sendum hér okkar bestu óskir.



Í dag er líka konunglegt brúðkaup í Danmörku. Það er alltaf gaman að konunglegum veislum. Við Bragi erum búin að vera baka síðan 10 í morgun og ætlum við Köbenbúar svo að fjölmenna upp á Sólbakken til Guðrúnar og Lunu Bríetar og fylgjast með herlegheitunum í beinni útsendingu. Ég efast ekki um að það felli nokkur tár í dag, líkt og þegar Frederik og Mary giftu sig. Það var góður dagur og var ég svo heppin að vera stödd í heimsókn í Kaupmannahöfn þá og horfði á brúðkaupið í góðum félagsskap, með Júlíu, Bergljótu, Gógó, Pétri, Kareni og Markúsi (man ekki hvort MAM var með líka). Good times!

Svo má ekki gleyma Melody Grand Prix i aften. Það verður stuð. Áfram Frakkar og Spánverjar (og auðvitað Ísland og Danmörk líka).

En varðandi hjóla handa mömmu. Á einhver svoleiðis til að lána okkur?

Hæ Köbenbúar.

Mig vantar smá aðstoð frá ykkur.
Móðir mín kemur til Köben 28. maí og verður í tæplega viku.
Er einhver hérna sem getur lánað okkur eitt stykki reiðhjól á meðan hún er hérna.
Nammi frá Íslandi í boði. Eða fiskur. Eða eitthvað annað sem þér dettur í hug.

Sjáið hvað hún tekur sig vel út sem hjólreiðamaður í Kaupmannahöfn.


Endilega látið mig vita í síma 27466278 eða komment eða ingarun@flateyri.is

Draumadjobbið

Um mánaðamótin byrjaði ég að vinna hjá nýstofnuðu Jafnréttishúsi í Hafnarfirði. Er að kenna útlenskum konum íslensku, öll kvöld vikunnar. Þar sameina ég tvö af mínu helstu áhugamálum síðustu árin; 

1. að tala illa um íslenska efnishyggju og neyslubrjálæðið  

2. að tala illa um karlmenn 

Nei segi svona. 

Við tölum bara um fallega Ísland og hve heimurinn er frábær... 

Við fórum í bíó í vikunni, að sjá Punktur punktur komma strik í Bæjarbíói í Hafnarfirði. Kvikmyndasafnið bauð okkur. Punktur punktur komma strik er bara góð í minningunni. 

Ég bendi aftur á frábæra afmælisdagskrá Kvikmyndasafns Íslands út árið í tilefni af 30 ára afmæli sínu, alla þriðjudaga og laugardaga í Bæjarbíói. 

Glæsilegur hópurinn á leið í bíó.

Síðustu helgi kíktum við Þórir í smá garðavinnu til mömmu á Eyrarbakka. 

Næstu helgi ætlum við að heimsækja Spákonuna á Sauðárkróki.

Þarnæstu helgi ætlum við í útskrift hjá Ragnheiði á Flateyri.

Og þarþarnæstu helgi ætla ég með Steinunni á Konuhátíð á Bifröst.

Þessa vikuna og síðustu tók ég slatta af viðtölum fyrir ritgerðina. Afar hressandi. 

Mamma gaf mér lýsi og þá fóru hlutirnir að gerast. 

Góða helgi og hafið það gott kæru vinir.

Af heimsóknum

Friðrik krónprins, Mary krónprinsessa, Ólafur Ragnar, séra Úlfar og Halldóra Jónsdóttir dönskukennari eru hér í kirkjunni á Eyrarbakka að virða fyrir sér altaristöfluna, sem amma Friðriks málaði. 

Pabbi, Björn Ingi Bjarnason, tók myndina. Fullt af fréttum og myndum frá heimsókn þeirra á Eyrarbakka og Stokkseyri í gær má sjá á www.sudurlandid.is